حوار فلسطيني بيموت ضحك

من طرف ليمار 2010-04-19, 6:43 am

[size=21]حوار فلسطيني بين ولد وأبوه وأمه

الأب مخاطب الابن : تعال وله

الابن و بكل براءة : نعم

الأب : نعامة ترفصك ... تعال وله

الابن : ليش شو سويت؟

الأب : سواك ضريب يخلع رقبتك

الابن : شو فيه؟

الام : شاوي يشوي عضمك ....رد على ابوك بأدب وله

الابن : هوه انا حكيت شي؟

الأب : حكحكوا جنابك بالعصايه اوقف عدل يا حيوان

الابن : حاضر

الأم : يحضروا على قبرك انشالله ... لما ابوك يحكي انت بتخرس

الابن : أخرس؟

الأب : ايوه ان شالله خرسه

الابن : ماشي

الأم : اجاك مشش بركبك ما تقوم منه انشالله

الابن : مشش ؟؟؟ شو هاذا المشش؟؟

الأب : اما انك قليل حيا ... وبترد على امك كمان ؟ هات العصاي وتعال وله

الابن : انا رديت على امي؟ يمّـه احكي كلمه

الأم : موا يمزع نيـعـك وله .... حكيتلك اخرس

الابن الان اصبح مغلوب على امره ومش فاهم ايش الموضوع وصمت

الأب: أما جيل قليل حيا ... احكي وله ... مالك انخرست

الابن : شو احكي؟ اذا حكيت بتقولوا عني قليل حيا وبتشوفوني غلط

الام : حيه الي تقرصك انشالله ... قلتلك تأدب وانت بتحكي مع ابوك

الأب : ايش "بتشوفوني غلط" هاي ... شايفنا عميان ولا حول ؟

الابن : لا اله الا الله

الأم : الله يوخذك انشالله .... يا ريتني خلفت ابن الجيران ولا انت

الأب : انا مش عارف هاذا الولد متى بده يصير زلمه ... دايما فاضحني بين الرجال

الابن : طيب شو اعمل عشان تشوفني زلمه ؟

الأب : قلتلك اخرس وله

الابن : يا الله ... يا الله ... يا جماعه شو مالكوا ... شو فيه ؟

الأم : اه صحيح انت ليش ناديت عالولد يا زلمه ؟

الأب : بتصدقي يا مره اني نسيت .... نساني شو كنت بدي منه هالكلب

الاب : خلص روح ارجع على غرفتك يابا

دمتم بخير[/size]

من طرف عــ,ـلــ,ـي 2010-04-22, 7:31 pm

السلام عليكم

حوار نموذجي فعلاً .. بعطي الصورة المثالية لتعامل الأب مع إبنه

هههههههههههههههه

سلمت يداكِ ليمار على المشاركة خفيفة الظل هاي

دمتِ بكلِّ ود

تحيـــ,,ــة

من طرف ليمار 2010-04-24, 7:51 pm

يسلمو (على )على مرورك

حوار فلسطيني بيموت ضحك

حوار فلسطيني بيموت ضحك

رد: حوار فلسطيني بيموت ضحك

رد: حوار فلسطيني بيموت ضحك