حوار بين اتنين طرشان!!

حوار بين اتنين طرشان!!


حوار بين اتنين طرشان!!

حوار بين اتنين سمعهم تقيل واقفين في محطة اتوبيس و هادا الحوار اللي جرا بينهم

الاول : الاوتوبيس ده بيروح مصر الجديدة؟؟

التاني : على الحديدة!!.. ليه انت طالب احسان؟؟

الاول : بذرة الكتان !! لا دي تلاقيها عند العطار

التاني : جزار !! اه قولي كدة عايز تشتري لحمة

الاول : معك حق الدنيا دي زحمة ..علشان ده ميعاد خروج الموظفين

التاني : نور الدين!!لا والله ماعرفهوش

الاول : ما بتشربوش !! ليه كفا الله الشر

التاني : رأس البر!! ده مصيف هادي

الاول : عايز تركب للمعادي !! دي منطقة جميلة

التاني : بليلة !! انت شكلك كدة جعان

الاول : عيان !! اي والله انت باين عليك عيان..طيب ما تروح للدكتور

التاني : الحنطور!! ده احسن من الاوتوبيس و بيوصلني لحد الباب

الاول : هباب !! و انا اللي فاكرك محترم

التاني : اتخرم!! هوا مين؟؟

الاول : عايز اسبرين!!ليه انت عندك صداع ؟؟

التاني : قراع!!يا نهار اسود ده مرض خطير

الاول: لا والله مش عايز و بعدين اانا مش بأحب الفطير و بعدين تمنه غالي

التاني : خالي!!انت تعرف خالي؟؟ ده راجل كبير في السن

الاول : الجن !! نهارك مش فايت.. انت عليك عفريت؟؟

التاني : لا والله مماعاييش انت عايز الكبريت ليه عايز تولع؟؟

الاول : أدلع !! ادعلع عليك انت .. انت ما تملاش عينيا

التاني : يقبضو عليا !! ليه؟؟

الاول : انت غريب يا راجل انت . انت شكلك شحات ( يدفعه من القميص ) روح شوفلك شغلانة تاكل منها عيش

التاني : خيش!! والله ده صوف انجيليزي

الاول : بنتك زيزي .. ربنا يخلي

التاني : انتاج محلي !! ده مستورد



يمر الشاويش و ينتبه للحوار اللي بينهم و يقول : انت يا جدع منك له

الاتنين يقولو : ايوه يا شاويش ... احنا مستنيين الاوتوبيس

الشاويش : نهاركو مش فايت!!جواسيس!!! طب قدامي يلا ع القسم